http://www.simil.com/fillos → http://www.fillos.org/

http://www.fillosdegalicia.org/ → http://fillosdegalicia.blogaliza.org/ → http://www.fillos.org/galicia/

Foi durante moito tempo o meu proxecto máis coñecido e exitoso, e sen dúbida ao que teño adicado máis esforzo e adicación de todos os que puxen en marcha en Internet. Fun o seu responsable técnico e de contidos durante moitos anos e actualmente limito a miña colaboración a apoios puntuais de carácter técnico e organizativo.

Naceu como lugar en Internet en 1997, e como Asociación Cultural en 2001.

Dispón de páxina de seu na Wikipedia, tanto en galego, como en castelán, portugués e inglés, aínda que ninguén a actualizou desde hai moito tempo. Nesas páxinas explica que “En 2009 superaronse os 6.700 usuarios rexistrados na comunidade”.

A historia desta comunidade virtual e dos seus proxectos derivados pasou por moitas vicisitudes, cun medre continuado que derivou nunha grave crise en 2010 da que naceu a etapa Fillos 5.0 na que se dividiron os contidos e servizos: por unha banda os blogs, usuarios, grupos e foro (Taboleiro) integráronse en Blogaliza e o resto quedou aloxado en RedCoruna, aloxador que acabaríamos abandonando en 2013 tras novos problemas como abandonáramos no seu día Dinahosting. O proceso Fillos 5.0 non foi completado e quedaron diversos compromisos pendentes por parte de Blogaliza. Apartados vitais como o grupo de usuarios e o Taboleiro fórannos desactivados sen aviso previo.

En 2018, após o peche de Blogaliza, os nosos blogs retornaron baixo o dominio principal FILLOS.ORG.

Contou con deseños tanto no seu logotipo como para o portal principal e outros elementos gráficos, de Martiño Picallo.

Del naceron moitos outros proxectos: