///

Descifrado o significado (céltico) de «Ana Manana»?

Moura. Ilustración COPYRIGHT Faerika, para Fillos de Galicia.
Moura. Ilustración COPYRIGHT Faerika, para Fillos de Galicia.
Diversos autores teñen sinalado que moitas das mouras das nosas lendas agachan en realidade a figura da nosa Vella Deusa pancéltica. Tamén grazas a José Manuel Barbosa coñecemos da presenza na Galiza da pegada de Dana/Anu/Ana, aínda conservada en topónimos coma Anamán. E precisamente grazas a unha conversa na comunidade Desperta do teu sono (no Facebook) con el e mais con Rubém Melide, outro interesado na nosa tradición calaica, veño de me decatar dalgo que se cadra xa antes se tiña proposto, mais que eu é a primeira vez que ligo: a fórmula máxica da lenda da moura Ana Manana, en realidade é unha invocación á deusa Ana/Anu/Dana! (e, xa que logo, a moura é a propia deusa, como xa apuntaban Cuba, Reigosa e Miranda no seu Dicionario dos seres míticos galegos).

Conta a lenda que para chamar a moura había que dicir tres veces Ana Manana! Se non consideramos manana como palabra aparte e pensamos a conxunción das sílabas desa invocación separadas doutro xeito, revélase algo trasparente: Anamanana = Anamán Ana, que segundo a interpretación de Barbosa do litónimo Anamán, significaría «Ana, a máis grande Ana».

Deja una respuesta

Your email address will not be published.

Este sitio usa Akismet para reducir el spam. Aprende cómo se procesan los datos de tus comentarios.

Lo último de Breves