/

Proposta de bandeira para unha Galiza Sustentable

Xa había tempo que o meu vexilófilo maxín tentaba atopar un uso do noso representativo trisquel para representar a necesaria viraxe social e cultural que o noso país (e todo o planeta) precisa para saír deste cul-de-sac civilizatorio e dar comezo á nova Era da Sustentabilidade.

Galiza Sustentable (proposta de bandeira)

Para min o trisquel é un símbolo nacional infrautilizado polos galegos. Así como os vascos teñen o seu símbolo no lauburu (literalmente catro cabezas, ou sexa, tetrasquel), nós temos un fermoso símbolo céltico que non damos aproveitado en todo o seu potencial.

José Manuel Barbosa no seu interesante libro Bandeiras da Galiza si que fai unha defensa del e o presenta entre os primeiros e máis antigos símbolos usados no país.

Eu propoño rescatar o seu significado nacional e étnico, recollendo o seu simbolismo ancestral dos ciclos naturais, do circular do sol polo firmamento, para facelo o centro dunha bandeira que represente a recuperación dese urxente re-conectármonos cos ciclos ecolóxicos: o ciclo da enerxía, da materia, etc.

Elixo a cor azul para ligar coa bandeira actual e sobre todo para representar a auga. O trisquel azul significaría así nesta nova bandeira, a reconexión humana cos ciclos da vida, representados pola auga. Mesmo as súas tres partes poderían ser os tres estados do H2O: líquido, sólido e gaseoso. Este simbolismo e a connotación solar do trisquel, pretendinos reforzar insertándoo dentro dun sol amarelo.

Os ciclos limitados polo sol, circunscritos, simbolizan o recoñecemento dos límites naturais, e o paso dun paradigma de crecemento infinito fóra da realidade do planeta, a un modelo sincronizado coa única fonte de enerxía e vida primaria da que dispón a nosa especie de maneira renovable, sustentable: a estrela solar. Tamén simbolizan que toda enerxía natural (eólica, hidráulica, maremotriz) procede da nosa estrela… mesmo en último termo a xeotérmica.

As cores no fondo simbolizan esa terra fértil, negra, orgánica, chea de humus, característica de Galiza (cando menos das súas fragas), onde se soporta toda a vida vexetal, animal e humana. O complemento necesario en simbiose con ese tesouro tan minusvalorado como é a terra fértil, é a vexetación (o verde) da que nos alimentamos os demais seres vivos. A interface mineral-biótica é así o fondo da bandeira proposta.

Sen máis, unha plasmación gráfica da revolución urxente que precisamos. Se alguén quere empregala para simbolizar esta loita, por suposto é libre de facelo.

18 Comments

  1. Grazas, Olga. Eu penso que a representación do solo fértil é precisa, e o negro a cor máis característica dela. Se cadra, vexiloloxicamente tería sido máis axeitado o marrón, e pensei en facer o fondo verde e marrón, pero ao final optei polo negro. Coido que ten máis forza e é máis realista, se se me permite a expresión.

  2. Hola Manuel que tal!
    Me parece muy chula la bandera.
    A mi me gusta el negro sobre verde después de ver el significado que le has pretendido dar.
    A lo mejor y para que resulte un poco más fácil de dibujar quitaría los bordes del sol y dejaría simplemente un circulo amarillo englobando al trisquel.
    Un abrazo
    César

  3. Ola, César. Grazas a ti tamén por te pasares por aquí para deixar a túa opinión. Pois o de simplificar o debuxo, queda á liberdade do que queira usar o símbolo. A opción do sol puramente circular xa me pasara pola cabeza cando pensaba no debuxo, pero ao final optei pola estrela de 24 puntas. A versión que ti propós sería perfectamente válida.

    De todos xeitos, case todos os procesadores de texto (OpenOffice, Word, etc.) teñen unha ferramenta para debuxar este tipo de símbolos, que foi o que usei eu. E xa postos… o trisquel tampouco é doado de debuxar, non é? ;-P

    O trisquel é un debuxo que sacara eu hai anos baseado nun trisquel calado do século I a.C. (achado en Castromao, Celanova) e que xa usara para deseños en Fillos de Galicia como podes ver nesta imaxe

  4. Non esquezamos que o significado central da bandeira son os ciclos representados polo trisquel: ciclo da auga, ciclo dos nutrintes, ciclo dos materiais… todos os ciclos que fan posible a vida no planeta, en contraposición ao paradigma do progreso liñal, do crecemento perpetuo, do usar e tirar, do consumir sen pensar no esgotamento de recursos e a saturación dos sumidoiros da contaminación que iso produce.

  5. Moi chula! E o verdi-negro dá-lhe um toque «green anarchist» estupendo… ademais aos que somos do Joventut entra-nos polos olhos 😉

  6. 😀 Pois non pensara eu nesa relación co anarquismo… Será que me traizoou o subconsciente? ;-D E no do Joventut, menos. Pois dádella: agora, a utilizala e espallala onde poidamos!

  7. Hoxe deille unhas voltas ao concepto desta bandeira… Coido que se enmarcha axeitadamente dentro desa tradición de bandeiras que representaban a aplicación dunha ideoloxía concreta a un territorio. Aí temos toda esa extensa colección de bandeiras comunistas, que foron utilizadas antes ou despois da consecución dun estado gobernado cun sistema (polo menos nominalmente) dese tipo, adoptando xeralmente símbolos ideolóxico-políticos e símbolos nacionais-histórico-culturais.

    Penso que da mesma maneira podemos adoptar esta bandeira para representar os nosos anceios dunha Galiza na que a sustentabilidade, a ecoloxía (a social tamén), os modos de vida tradicionais, o respecto ao medio, a soberanía alimentar e enerxética sexan unha realidade.

  8. Oes, guapísima a bandeirola q t curraches!!
    E o significado q lle des compleméntaa.
    Non pensaches en facela en tea? Ou xa a tes feita?
    Un saúdo

  9. Grazas, Banchas. Pois home, por pensar si, pero iso custa cartos… e despois da experiencia coa da Nación Mundial Galega non me quedaron ganas de facer máis bandeiras… 🙁

    Se aínda houbese algún colectivo que a quixese facer súa, pois podíase falar dun proxecto de fabricación conxunta… Se cadra era cuestión de facer a primeira artesanalmente e levala á vindeira manifestación de Galiza Non Se Vende, p.ex.

  10. Home, se o verde (vexetación) e o negro (terra fértil) non teñen «nada» que ver con Galiza, entón estamos fodidos e é que xa deron convertido o país nun deserto… ;-P

    Tamén sería interesante que contases qué ten que ver con Galiza a bandeira oficial actual, p.ex., procedente da bandeira da comandancia marítima da Coruña e sen simbolismo ningún.

  11. Joder, ¡¡si es la bandera verdinegra de la casa Atreides de Dune en versión céltica!!

  12. Eu non concordo: non ten nada que ver a cor verde co noso país? E a terra negra típica dos nosos chans? E o sol ten que ver co obxectivo de vivirmos de novo del, como durante toda a etapa preindustrial… O sol é un símbolo universal.

    Por outra banda habería que ver qué ten que ver coa Galiza a bandeira actual, ou outras que se propoñen como a estreleira (a estrela vermella como valor, como obxectivo político e social, equiparable ao sol na miña proposta). Nese sentido penso que non hai tanta diferenza, non si?

Deja una respuesta

Your email address will not be published.

Este sitio usa Akismet para reducir el spam. Aprende cómo se procesan los datos de tus comentarios.

Lo último de Cultura

Lo que sobra

Sobran carnicerías. Sobran publicistas, aviones, hoteles y bares. Sobran centros comerciales. Sobran coches, sobran muchos coches...

Posibilidades y deseos

En nuestras sociedades de la exuberancia y la tecnomagia estamos tan acostumbrados a confundir deseos y

Tecnoescepticismo

Frente a los mitos dominantes y peligrosos entorno a la Tecnología («cuanta más tecnología y más