Os ordenadores de Caixanova tamén teñen que durmir

Cando xa pensaba que non me había atopar con máis problemas co uso dos servizos por Internet de Caixanova, antonte tiven unha nova e desagradable sorpresa. Resulta que as trasferencias por Internet… teñen un horario limitado! Non se poden facer a partir das 7 e media da tarde ate primeira hora da mañá… Será porque o chinés que teñen dentro dos ordenadores tamén terá que durmir. Non mo explico se non… Se un quere operar por Internet será entre outras cousas, precisamente para non ter que depender de horarios. Vamos, outro tirón de orellas para Caixanova, que xa lles deben medir varios palmos… >:-(