A esternina

Ultimamente veñen morrendo moitos cans envelenados nos montes de Galiza, cans de caza, e polo que parece o veleno empregado é a estricnina. Pero para moitos dos nosos cazadores, segundo puiden apreciar na TV e radio galegas, o nome desta substancia é esternina. Non sei se será porque lles soa a esterlina, ou porque mata atacando ao esternón das vítimas, ou porque foi patentado por algunha Esther Nina… pero é toda unha xoia das patadas galegas.