(…) suxiro a nivel nacional que os movementos sociais se unan e creen gobernos paralelos (…). Facermos unha asemblea de movementos sociais, habería propostas para cada ministerio, máis ou menos, de tal xeito que tivésemos un ministerio alternativo de transporte, enerxía, muller, o que for… E seguir reuníndose. Non suporía un grande orzamento algo así, pero os medios terían que acabar acostumándose a preguntar: ben, a ver que é o que o ministerio alternativo ten que dicir ao respecto… Cada vez que o Goberno faga un movemento, habería un contramovemento.

Susan George

(…Aínda que a idea de Susan George é máis unha estratexia comunicativa, moi interesante iso si, ca unha proposta de crear unha organización social real paralela, e só o propón como maneira de incidir nos medios e de aí no goberno e no Estado.)

Hoxe hai unha dialéctica de contrarios absolutamente establecida, con dúas dinámicas de signo inverso, a da sociedade que se manifesta nos movementos e nos foros e a do poder e dos aparatos de Estado. O que está claro é que o deseño dos aparatos de Estado nacidos das revolucións liberais está obsoleto, é unha máscara de ferro ou un corsé que inmobiliza. Eu espero e desexo que os movementos sociais rachen con eses aparatos e deseñen outros totalmente distintos, ou poida que eses aparatos rematen afogandoo todo, e daquela chegarán os totalitarismos.

Xosé Manuel Beiras