///

É a enerxía, estúpidos!

Que non, que non se trata do sistema financieiro. Nin tan sequera da economía. O que está iniciando o seu derrubamento definitivo non é o sistema capitalista, senón o modelo enerxético no que baseamos toda a nosa civilización actual.

Non hai rescates bancarios nin políticas de investimento público que vallan cando o que se esgota é unha fonte de enerxía irremprazable (en tempo e alcance) coma o petróleo. O colapso da civilización industrial é máis que probable en poucos anos.

Canto máis tardemos en abrir os ollos a esta realidade, máis dramáticas serán as consecuencias. E non esperemos que nolos abran un bo día no telexornal: as elites repártense entre os que non saben de que vai o conto e os que fan coma que non o saben, porque non lles interesa perder os seus beneficios (electorais ou económicos) a curto prazo. Así é que o que nos propoñen tan só pode levarnos máis de contado á ruína social e económica.

Axudas ao sector da automoción? Promoción das exportacións? Introdución de transxénicos? Crise nos sectores pesqueiro e gandeiro? Baixada do consumo? Falta de liquidez? Masiva construción de infraestruturas? Produtividade? Industrialización? Modernización? Recuperación do crecemento?!?! Non perdamos de vista que se trata da enerxía, e poderemos avaliar nas súas auténticas dimensións o que está a suceder coa crise supostamente económica.

1 Comment

  1. […] quizás superemos ese momento de riesgo. Pero… ¿qué sucederá si como muchos creemos la civilización industrial está condenada a causa del Cénit del petróleo?, ¿qué pasará si Duncan está en lo cierto y no hay manera de evitar un progresivo y definitivo […]

Deja una respuesta

Your email address will not be published.

Este sitio usa Akismet para reducir el spam. Aprende cómo se procesan los datos de tus comentarios.

Lo último de Colapso