Hoxe fiquei sorprendido ao ver unha nova en Chuza que me levou a unha crítica moi dura dun dos seus usuarios máis destacado (Nemigo). A verdade é que aínda non me enteirei ben de que vai a película, xa que entrei no cine cando xa empezaran os tiros, pero ten toda a pinta de que hai dúas cuestións moi interesantes a debate:
- O funcionamento dos sistemas sociais de promoción de noticias (Chuza, Menéame, etc.).
- O modelo de financiamento publicitario de proxectos web
Ambos os dous son temas que me tocan moi de preto. O primeiro polas posibilidades de democratización que achegan ou poden achegar estes sistemas (vid. o meu fillo DemoTicias), e o segundo porque é unha vía de financiamento que tamén usamos en Fillos de Galicia.
Seguirei dando conta aquí e acolá das miñas impresións sobre o tema, e outro ao que nos pode levar… Que hai detrás da trangallada da Web 2.0?
A chuza anda revolta! (Que hai detrás da trangallada da Web 2.0?)…
Casdeiro logo de ficar «sorprendido ao ver unha nova en Chuza que me levou a unha crítica moi dura dun dos seus usuarios máis destacado (Nemigo)» pensa que «ten toda a pinta de que hai dúas cuestións moi interesantes a debate: O funcionamento dos si…
Home, o tema da financiación na nova web está moi moi posto a proba en Trebellos.org , e veremos a uns meses dende aquí…
Non entendo moi ben o teu comentario, Andrés. Que ten que ver Trebellos con Chuza?
Non ten demasiado que ver, só digo que Trebellos é o primeiro blogue comercial en galego, é dicir, onde os editores cobran por escribir unha porcentaxe dos beneficios que o blog xera, así que é un bo experimento pra calcular o tema da financiación na web en galego 😉